Merkezê Îrtîbat û Çapemenîya HPGyî îzehetêko nuştekî da û bi nê îzehetî derheqê çalakîye û hêrişê artêşa tirkî de melumatî ca girewtî.

Îzehetê HPGyî wina yo:

"Hêzanê ma çarçewaya Hemleya Şorişgêrî ya Şehîd Pîroze û Şehîd Agirî de 29ê êlule saete 10.00 de vera leşkerê ke Girê Şehîd Rozerîne yê Sîdekanî de ca bîbî de çalakîya sabotajî viraşta. Qaso ke ameyo tesbît kerdene, na çalakîye de leşkerêk merdo û xeylê leşkerî zî birîndar bîyî. Çalakîye ra dima bi helîkopteranê Skorskyî merde û birîndarî cayê çalakîye ra ameyî berdene. Dima ra bi helîkopteran dormeyê Girê Şehîd Rozerîne ameyo bombe kerdene.

GERÎLA PÎR ŞAHAN SERHILDANÎ HETA GULEYO PEYÊN XOVER DA

Artêşa tirkî warê Şehîd Mizgîne yê Bedlîsî de operasyon dabî dest pêkerdene û dima ra pêrodayîşî qewimîyabî. Pêrodayîşan de hemrayê ma Pîr Şahan Serhildanî heta guleyê xo yê peyênî xover da û peynîye de şehîd bi. Nasnameyê hemrayê ma wina yo;

Nameyê Qodî: Pîr Şahan Serhildan Name peyname: Ferhat Çetîner Cayê bîyayîşî: Riha Dadî - Babî: Hatîce - Mehmet Fahrî Tarîx û cayê şehadetî: 16ê êlule 2018 / Bedlîs

LICÊ DE 2 GERÎLAYÎ ŞEHÎD BÎYÎ

Ma îzehetê xo yê 24ê êlule de dîyar kerdbi ke artêşa tirkî dormeyê dewa Zengasorî de operasyon dayo dest pêkerdene. Operasyon de pêrodayîşî qewimîyayî û netîceyê pêrodayîşan de 2 gerîlayî şehîd bîyî. Nasnameyê embazanê ma wina yo;

Nameyê Qodî: Dîdar Serhate Name Peyname: Meryem Dogane Cayê bîyayîşî: Kars Dadî-Babî: Bedîha-Mehmet Tarîx û cayê şehadetî: 22ê êlule 2018 / Amed

Nameyê Qodî: Goksun Firate Name Peyname: Hasret Borta Cayê Bîyayîşî: Amed Dadî-Babî: Kevsere-Mehmet Saît Tarîx û cayê şehadetî: 22ê êlule 2018 / Amed

HÊRIŞÊ HEWAYÎ

Teyarayê artêşa tirkî 28ê êlule saete 23.40 de warê Newala Avaşînî bombe kerdo. 29ê êlule de zî teyarayan hêrişê warê Çîyayê Reş û dormeyê dewa Heftbaxî ya herêma Garê kerdî.