HPGyî nasnameyê di gerîlayê ke Dih de cuyayê xo vînî kerdî, eşkera kerd.

Eşkerayîye de nê ameyî parekerdene:

‘‘11ê Teşrîna verêne de saetanê cemê  şanî de qezaya Dihî yê Sêrtî de di embazê ma herêma Çirav de raştê hêzê dişmenî ameyî û pêkewtişêk ame meydan. Derheqê merde û birîndaranê leşkeran de zanayîş bi dest nêkewt. Embazê ma Mahîr û Rêzan bi têkoşîndayîşêkê qehremanîyî şehîd kewtî.

Embazê ma ke şehîd kewtî nasnameyê înan winayo:

Nameyê Qodî:  Mahîr Malatya Name Peyname: Selçûk Kose Cayê Biyayîşî: Meletî Maye-Pî: Meryeme - Suleyman Tarîx û Cayê Şehadetî: 11ê Teşrîna verêna 2018î / Sêrt

Hemra Mahîrî serra 2015î de verê xo dayo koyanê Kurdîstanî û bi felsefeya Rayber Apoyî  sey mîlîtanê Tevgerê Azadîya Kurdîstanî têkoşînêko xurt da û heme wazîfeyê xo bi serkewtişî ardî ca. Tewr peynî de zî cayê Egîdan Gabar de sermîyanîya berze girewtebî.

Embazê ma Rêzanî zî serra 2008î de verê xo da koyanê Kurdîstanî. Serra 2009î de Zagrosan de esîr kewt û wexto ke şartanê esaretî ra xelisya reyna mîyanê gerîlayan de cayê xo girewt. Hemra  Rêzan bi kesîya xo ya raştî û fedakarî ameyene naskerdene. 

Hemrayê ma Mahîr û Rêzan  herra Gabarî ke emeg, fedakarîye û ceraretî tede qoq dayo, rêça Egîd, Adîla, Erdal û Çîçekan de tewrê kerwanê şehîdan bîyî. Ma şehîdanê xo bi hurmetî yad kenî û sozê serkewtişî danî.‘‘