Mizgîn Bîlîne (Raperîn Baze) ke 13ê Êlule de bi 3 gerîlayanê HPGyî ya Çewlîg de cuya xo vîndî kerdebî cenazeya aye wextêkê dergî ra dima Sazîya Tipî ya Edlî ya Meletî ra ameye girewtene.

Di aşme yo merdimê Bîlîne semedê girewtişê cenazeya kênaya xo gureyenê la bi mehneyê testê DNYî cenaze nêdîyayêne înan.

Vizêr keyeyê Mizgîn Bîlîne cenazeya kênaya xo girewte û berde Xarpêt. Polîsan keyeyê Bîlgînê tehdît kerd û waşt ke ê bêveng cenaze defin bikerî.

Dekewtişê Goristanê Asrî yê Xarpêtî de ke cenazeya Bîlîne tede ameye definkerdene, polîsan nasnameyî kontrol kerdî, têna merdimê nizdî yê Bîlîne girewtî goristanî û destûr nêda şaro bîn tewrê merasimî bibo.

Merdimanê Mizgîn Bîlîne polîsan rê hêrsê xo ard ziwan û vat ke  merdeyanê ma ra zî tersenê aye ra hêriş kenî la ê se kenî wa bikerî rixmê heme hêrişanê înan ma wayîr şehîdanê xo rê vejîyenê û xeta înan de xoverdayîş xurt kenê.