Bi wesîleya vîrardişê şehîdanê Besta Fermandarîya Qerargehê Merkezî ya YJA Starî eşkerayîyêk nûştekîye daye.

Eşkerayîye de wina ame vatene:

“Par operasyonêk ke wareyê Besta yê Botanî de ame viraştene, ê de embazê ma Delal Amede û Azê Malazgirte ke artêşbîyayîşê cinîyan rê serkêşî kerdêne û embazê ma yê ke înan dir bîyî şehîd kewtî, nika seragêrayîşê şehadetê înan o. Ma bi nê munasebetî hemeyê embazanê xo yê ke ê operasyonî de Besta de şehîd kewtîbî bi hurmet bi vîr anê. Ma sozê girêdayîşê xo danê û heta qesasê înan bigîrê ma do mucadeleyê xo rê dewam bikerê.”

Dewamê eşkerayîye de nê ameyî vatene: 

DELAL AMEDE

“Hemraye Delale 25 serrî yê mucadeleyê xo yê dergî de tim sefanê vernîyan de bîye û mesuldarîyê tewr pîlî girewtî xo ser. Sere de Amed, Dêrsim û Botan xeylî cayanê Vakurê Kurdistanî de sey fermandarêka cinîyan gure kerdo. Wextêko derg gureyê Fermandarîya Qerargehê Merkezî ya YJA Starî bica ardo. Hemra Delale cuya xo de seva pawitişê cinî û şarî xeylî kede daye. Mucadeleyê şiktişê tecrîdê serê Rayberîya ma de rolêko serkêş kay kerd. Çarçiwaya xoverdayîşanê xorayraberdişê bajaranê kurdan de şîye sehaya Botanî û ûca bi hawayêkê aktîfî tewrê xebatan bîye.

Hemraye Delale tecrubeyê xo yê ewilênî yê  şerî serranê tewr giranan ê şerî de eyaletê Amedî de girewtibi. Hemraya ma şertanê tewr giranan de wayîrê xorabawerîkerdişî bîye, biumîd û bihêz bîye. Dima ra şîye sehaya Rayberîye û ûca bi îdeolojîya Rayberîye perwerde dî. Reyna agêraye koyanê Kurdistanî û sey fermandarêka biwesfe mucadeleyê azadîya cinîyan de serkêşîye kerde. Hemraye Delale hemeyê cuya xo de wareyê şer û îdeolojî de eşka bibo şexsîyetêka avere.

Hemraye Delale heme perspektîf û talîmatanê ke sey fermandarêk dayêne, înan bica û biwext dayêne. Xebatanê organîzekerdişî de wayîrê terzêkê xeylî cidî û bidisîplînî bîye. Bi tecrubeyê xo yê 25 şerrî dayêne dişmenî ro û serdest, cesûr û bêters bîye. Bi nê xusûsîyetanê xo fermandarêka pîle bîye ke hemrayê ci yê ke aye dir bîyî pê tim bawer bî û bi bawerî aye dir rayîr ra şîyêne.

AZÊ MALAZGÎRTE

Hemraye Azêya ke endama Konseya Eskerî ya YJA Starî bîye zî cuya xo de bi moral û kêfweşîya xo tewrê heme xebatan bîyêne û wayîrê kedêka pîl a. Hemraye Azê wextêko derg xebatanê akademî de ca girewt, bingeyê peymeyanê PKK-PAJKî de xeylî hemrayî perwerde kerdî. Ruhê ciwanîye hemra Azê de qe nêbîyêne kemî. Tewr peynî de sehaya Botanî de gure girewt û şerê hemverê dişmenî de bîye serkêşe.

ŞEHÎDÊ BESTA

Hemrayê ma Ferhat Maxmûrî, Zozan Qamişlo, Vîyan Mazlûm, Dîcle Serhat, Zozan Sêrt, Vîyan Rûken, Egîd Ronî û Firat Tolhildan û heme şehîdê Besta hemverê hêrişanê serê Besta de bi cesaretêkê pîlî şer kerdê û bîyê sembolê xoverdayîşê gerîlayan.

Ma sey gerîlayanê YJA Starî bi wesîleya seragêrayîşê şehadetê înan heme hemrayanê xo bi hurmet bi vîr anê û ancî sozê serkewtişî danê.”