Koordînasyonê YPS’yî bi wesîleya serrgêra şehadetê xoverdayoxanê xoîdarekerdişî yê Cizîrî eşkerayîyêka nuştekîye daye.

Eşkerayî ra tayê cayî wina yê:

‘‘Vera hêrişê topyekunî yê dewleta Tirkî ke  24’ê Temmuze ya 2015’î de ame destpêkerdene, xoverdayîşê xoîdarekerdişî ramojna ke şarê Kurdî teslîmbîyayîş û û xîyanet qebûl nêkeno. Xoverdayîşê Cizîrî bi mengan dewam kerd. Dewleta faşîste ke nêeşkaye ser bikewo, 14’ê Kanûne ya 2015’î de desanê înan payeberzî bi hezaran eskeran û seyan tankan û heme hêzê xo ya hêriş ciwanan û şarê bêpawiteyî kerd. No xoverdayîş de nêzdê 300 kesî şehîd bîyî.

Cizîr de xoverdayîşo tarîxî ame dayene û ruhê nê xoverdayîşî her hetî ra vila bi. Bitaybetî zî çalakîyê fedaîyî yê ke embazanê ma Zinar Raperîn (Abdulbakî Somer), Doga (Seher Çagla Demîre) û Firat Pîrsusî (Mustafa Aslan) viraştî, çalakîyê tarîxî yê. Nê çalakîyan ramot ke bedelê ci çi beno wa bibo Kurdî verê zulmî de çok nêdanê ro.

Xoverdayoxanê pîlan ê nê xoverdayîşî ra Mehmet Tûnç û embazanê ey bi rojan semedê xelisnayîşê bajarî, welatî û merdimîye veng da. Manaya vatişê Mehmet Tunçî yê ‘Ma xover da, wa bi ma sereyê şima berz bo‘ û vatişê xoverdayoxanê 14’ê Temmuze yê ‘Ma ser kewtê, ser kewtê‘  yew a. Şexsê nê xoverdayîş û xoverdayoxan de merdimîye qezenc kerde. Kurdî ewro xeta Mehmet Tûnç û Asya Yukselan de xoverdayîşî gird kenî. Ma do mîrasê xoverdayîşî yê Mehmet Tûnç û embazanê ci rê wayîr bivejê  û ver bi serkewtişî gamanê pêtan bierzê. Ma sey YPS’yî  rêça xoverdayoxanê Cîzîrî de, semedê azadîya Rayberîye û Kurdistanî  do serra 2019’î bikerê serra şerî û bi xurtkerdişê mucadeleyî ser bikewê.‘‘