Gerîlayanê HPG û YJA STARî Roşanê Ganîbîyayîşî yê 27ê Teşrîna peyêne bi coşêkê girdî pîroz kerd.

Fermandaranê Qerargehê Merkezî yê Pawitişê Şarî ra Amed Malazgîrtî ya pîya fermandaranê HPG û YJA STARî ra Seyîtxan Dersim, Pelîn Koçgîrî, Egîd Kelar û Axîn Ararate zî tewrê aktîvîteye bîyî.

Malazgîrtî bi gerîlayan kombîyayîşêk viraşt û bale ante nê xusûsan ser:

40 SERRAN DE DESTANÊ GIRDÎ AMEYÎ NUŞTENE

Têgêrayîşê PKKyî 40 serrê ke xo dima verdayî tede destanê girdî nuştî. PKKyî şarê kurdî  newe ra ganî kerd. Coka dewlete bi heme hêzê xo hêrişê ci keno. La PKKyî rixmê hemê herîşan çok nêda û tarîx nuşt. Xoverdayoxanê Xoverdayîşê Zîndanê Amedî ra hemra Mazlûm Doganî bi adirî bedenê xo şit û  va: ‘‘ Teslîmbîyayîş îxanet o ciwîyayîş xoverdayîş o.‘‘ Xoverdayîşo ke  nê bingeyî de ame resnayene bedelê girdî dayî û heta ewro ame.

PKK BÎYO ŞAR, ŞAR ZÎ BÎYO PKK

PKK ewro tena Kurdîstan de nê Rojawketena Mîyanênî de hêzanê bingeyênan ra yew o. Ewro heme dinya kurdan sey hêzêk vînena. PKKyo ke dişmenî 30 serrî verî sey ‘grûbeka eşqîyayan‘ name kerdêne ewro resayo mîlyonan. Şarê kurdî slogana ‘PKK şar o şar tîya de yo‘ erzeno. PKK bîyo şar  û şar zî bîyo PKK. Raştîya mucadeleyê Rayber Apoyî na ya. Xoverdayîşo ke bi Hakî, Kemal, Sakîne, Mazlûm û Egîdan dest pêkerd bi Berîtan, Zîlan, Adîl, Erdal, Delal û Atakanan gird bi û ewro xeta înan de hîna xurt yeno dewamkerdene. Reyna bi heman ruhî artêşbîyayîşê cinîyan zî xeta Besê, Azîme, Zelele, Berîtan û Zîlanan de mucadeleyî resneno.

KAM KE DESTÊ XO DIŞMENETÎ RA DERG BIKERO VÊŞENO

Hukmatê tirkî tim vano ke ‘Ma PKK qedîna do biqedînê‘ heta ewro hukmatanê ke  wina vatêne ma peynîya nînan dîye. Heme qedîyayî la PKK bi girdbîyayîşî rayîrê xo rê dewam keno. Kam ke dişmenetî ra destê xo derg bikero vêşeno. AKP û Erodogan zî do sey hukmatanê bînan vîndî bikerî.

MA DO XETA RAYBER APOYÎ DE KURDÎSTAN AZAD BIKERÊ

Ma reyêk soz dayo; bedelê ci çi beno wa bibo, ma do xeta Rayber Apoyî û rayberîya PKKyî de Kurdîstan azad bikerê. PKK sey vizêrî ewro zî do hemverê heme hêrişanê dewlata tirkî û hêzanê  hemkar, xayîn û ajanan de mucadele bikero. Peynîardişê kontra û çeteyan wezîfeyê mîlîtananê PKKyî û ciwananê kurdan o. Ewro ra tepîya do xeta Rayber Apoyî de destanê hîna xurtî bêrî nuştene.