Fermandarîya Qerargehê Merkezê Pawitişê Şarî (MPŞ) serrgêra Xoverdayîşê Rojeyê Mergî yê Pîlî yê 14ê Temmuze de eşkerayîye daye û nê pare kerdî:

“Ma sere de şexsê serkêşanê bêmergan ê nê xoverdayîşê tarîxîyî Mehmet Hayrî Durmuş, Kemal Pîr, Akîf Yilmaz û Alî Çîçekî de heme şehîdanê xo bihurmet yad kenê. Afirnayoxê nê hemrayanê erjîyayeyan  ke na çalakîya bimbareke kerde, Rayber Apo  25 serrî yo vera sîstemê îşkenceyî yê Îmraliyî xover dano û tewirê merdimîya azade vet orte,ma nê tewirî silam kenê û sozê serkewtişî danê.

Dewleta tirke ya faşîste Zîndanê Amedî de şexsê kadroyanê PKKyî de vera heme kurdan û merdimîye îşkence giranî kerdî ke kurdan teslîm bîgêro û qoqê ci ra raqilno û bikero bênasname. Vera nê xoverdayîşo xurt ame dayene. Xoverdayîşê Rojeyê Mergê Pîlî yê 14ê Temmuze Zîndanê Amedî de vera îşkence, zilm û zextî, semedê pawitişê rûmet û nasnameyî ame kerdene. Nê xoverdayîşê pîl û tarîxî ruhê fedayî yê Apoyî û tewirê xoverdayîşî vet orte. Coka na roje sey Roja Rûmetî ya Neteweyîye yena naskerdene. Ma na roje şar û hemrayanê xo yê ke zîndan û her ca de têkoşîn kenê rê bimbarek kenê.

Xeta 14ê Temmuze ya ke bîye wesîleya Hemleya 15ê Tebaxe, 41 serrî yo rayîr mojnena ma û xeta têkoşînê ma bewlî kena. Gerîlayê Azadîye yê Kurdîstanî yê ke bi ruhê fedayî yê Apoyî têkoşîn kenê, ewro bi terzê ke 14ê Temmuze vet orte têkoşîn kenê. Gerîlayî Vakûrê Kurdîstanî, Zap, Avaşîn û Metîna de bir ruhê 14ê Temmuze tekoşînê destankî kenê. Rixmo ke dişmen bi heme îmkananê xo yê teknîkî, bombayanê qedexeyan û çekanê kîmyewîyan hêriş keno û xayînan fîneno dewre, Gerîlayê Azadîye yê Kurdîstanî xeta nê xoverdayîşî de têkoşînê xurtî rayra benê û mojnenê ke ê do serkewtişê dewaya estbîyayîş û azadîye yê şarê ma ser bifînê. Senî ke ma heta ewro kerd, ma do ewro ra tepîya zî rêçê şehîdanê xo de tekoşîn bikerê û waştişê înan bîyarê ca.”