Merkezê Îrtîbatî û Çapemenîye yê HPGyî bi eşkerayîyêke derheqê hêrişanê îşxalî û çalakîyanê gerîlayan de tay agahîyî dayî. Eşkerayîye wina ya:

''Artêşa tirke ya îşxalkere Vakurê Kurdîstanî de qirkerdişê xoza rê û operasyonanê îmha yê vera hêzanê ma rê, Herêmanê Pawitişî yê Medya de zî bombardumananê xo rê dewam kena. Hêzanê ma herêma Besta ya Botanî de pê çalakîyêka bitesîre cewab da operasyonê îşxalkeran û 5 îşxalkerî ceza kerdî.

Detayî wina yê:

Botan de;

Artêşa îşxalkere di serrî yo Botan de daran birnena û qirkerdişê xoza kena. dewleta tirke ya qirkere bi nê hawayî vera merdimatîye zî sûcanê pîlan kena. Îşxalkeran wexto ke bi nê armancî Girê Gêsinî yê warê Besta yê Botanî de operasyon kerdêne hêzanê ma ê girewtî binê kontrolê xo. 7ê hezîrane de hêzanê ma bi taktîkê xomîyankerdişî da înan ro. Netîceya çalakîye de 5 îşxalkerî ameyî cezakerdene, xeylêk îşxalkerî birîndar bîyî. Dewleta tirke raştîyî nimitî û wina mojna ke teyna 1 leşkerê ci kişîyayo. Na çalakîye şexsê embaze Leyla Sorxwîn de seba qesasê embazanê ma Bawer, Rênçber, Dilşêr û Şergerî ameye kerdene.

Artêşa ke çalakîye de derbê giranî werdê, dima war da bombayan ver, operasyonêko hîra da destpêkerdene û 8ê hezîrane de war 4 reyî dayî bombayan ver. La na çalakîye de û nê hêrişan de zerarêk zî nêresa hêzanê ma ser.

Hêrişê ke pê bombayanê qedexekerdeyan ameyê kerdene;

-Mewzîyê Warê Xoverdayîşî yê Girê FMyî yê herêma rojawanê Zapî ya Şehîde Delale 10ê hezîrane de rayêke dîyayî bombayan ver.

Hêrişê bînî yê artêşa îşxalkere;

-9ê hezîrane de warê Bêşilê û Serê Metîna 2 reyî, 10ê hezîrane de Warê Xoverdayîşî yê Girê FMyî, Girê Cûdîyî û Girê Amedîyê 93 reyî dîyayî bombayan ver.

-10ê hezîrane de artêşa îşxalkere Girê FMyî de bi kepçeyan hêrişê mewzîyanê xoverdayîşî kerd û waşt ke înan birijna.''