Grevê vêşanîye yo ke Zîndanê Xarpêtî de seba wedartişê tecrîdî bi hawayêkê bêdem û bêagêrayîşî hetê 6 tepişteyan ra amebi destpêkerdene kewt roja xo ya 48ine û 3 tepişteyê bînan zî dest bi grevî kerd.
Seba wedartişê tecrîdê serê Rayberê Şarê Kurdî Abdullah Ocalanî 3 tepişteyanê bînan ê ke Zîndanê Biasayîşê Berzî yê Xarpêtî yê 1inî de manenê dest bi grevê vêşanîye yê bêdem û bêagêrayîşî kerd.
Tepişteyî Metîn Serhat, Musa Candemîr û Harun Alkano ke keyeyanê xo ra vatibi înan 17ê Kanûne ra tepîya dest bi grevê vêşanîye yê bêdem û bêagêrayîşî kerdo vato ke heta çalakîya înan netîceyêk bigîro do çalakîya xo bidomnê.
Emîne Înane, Sevîm Ekîne, Gulîstan Seçkîne, Remzîye Karadage, Kader Peker û Zeynep Turana ke 2ê Teşrîna peyêne ra Zîndanê Cinîyan ê Elezîzî de dest bi grevê vêşanîye yê bêdem-bêagêrayîşî kerdibi, grevê înan kewt roja xo ya 48ine. Ame zanayene ke cinîyan ê tepişteyan de xeylî kemîbîyayîşê kîlo virazîyayo û zîndan îhtayîcîyanê înan tedarik nêkeno.
Hetêna ra grevê vêşanîye yê bêdem-biagêrayîş ê 10 rojan ê tepişteyanê ke Zîndanê Biasayîşê Berzî yê Xarpêtî yê 1in û 2inî de yê dewam keno.
