Merdimê tepişteyan seba ke bale biancê rewşa tepişteyanê nêweşan û tepişteyê ke rixmo ke cezaya înan qedîyaya nînê veradayene ser Amed û Wan de Nobeta Edaletî tepişenî.

Çalakîya Amedî ewro hetê temsîlkaranê SES, KESK û rêxitinanê komelê sîvîlî ra ameye zîyaretkerdene. Çalakîye de merdimanê tepişteyan ra Încî Guler vat ê pêvînayîşê akerdeyî de raştê cigêrayîşê fekî yenê. Reşahat Ada zî  ard ziwan ke ê do heta azadkerdişê domananê xo têkoşîn bikerê û vat: ''Domanê ma 30 serrî yo zîndan de yê, qey ganî pîman bê? Înan se kerdo?‘‘ Nuraye Abay zî vat ê do heta netîcegirewtiş çalakîya xo rê dewam bikerê. Îdarekaranê SES û KESKî zî bale ante bêhuqûqîye ser û vat ganî têna merdimê tepişteyan nê her kes tewir ramojno.

Wan de rêxistina HDPyî ya Qelqeliya û temsîlkarê rêxistinanê sîvîlî çalakwanî zîyaret kerdî. Qiseykerdişan de bale ameye antene zextanê zîndanan ser û semedê veradayîşê tepişteyan ame vengdayene.