Yewina Şehîd Dogan Zinarî mabênê 1-11ê tebaxe de hewayî ra, 8 reyî da baregehanê artêşa tirke ya îşxalkere ro. Nê çalakîyan de 5 îşxalkerî ameyî cezakerdene, 13 îşxalkerî birîndar bîyî, 5 xeymî ameyî îmhakerdene û 3 mewzîyî ameyî derbkerdene.
Merkezê Îrtîbatî û Çapemenîye yê HPGyî derheqê çalakîyanê hewayî yê Yewina Şehîd Dogan Zinarî de eşkerayîyêke daye.
Eşkerayîye wina ya:
''Yewina Şehîd Dogan Zinarî seba selamkerdişê Hemleya 15ê Tebaxe ya ke Fermandarê ma yê Bêmergî Egîdî serkêşî û mîmarîya ci kerdbî tay çalakîyê hewayî kerdî. Artêşa tirke ya îşxalkere hema hema her roje erd û hewayî ra yena pirodayene.
Mabênê 1-11ê tebaxe de baregehê hewayî yê Herêma Şehîd Delîlî ya Rojawanê Batî bi wesayîtanê hewayî ameyî hedefkerdene. Warê Xoverdayîşî yê Girê FM, Girê Amedîyê, Girê Bihar û Sergelê de îşxalkerî 8 reyî hewa de ameyî pirodayene. Nê çalakîyan de 5 îşxalkerî ameyî cezakerdene, 13 îşxalkerî birîndar bîyî, 5 xeymî ameyî îmhakerdene û 3 mewzîyî ameyî derbkerdene.
Nasnameyê tayê îşxalkeranê ke ameyê cezakerdene yan zî birîndar bîyê qetî bîyê; çawişê pisporî Umît Şahîn, Bakî Kalan û Zîyar Vural, onbaşi Halîl Îbrahîm Guvercin, leşkerê kîrakerdeyî Tolga Armut û Oktay Cengîz.
Artêşa îşxalkere qetî qalê nê çalakîyanê ma nêkerd, nê nimitî. La çendek wina bikera zî artêşa îşxalkere do derbanê gangêran ê gerîlayan ra nêxelisa ke nê gerîlayî rêçê Fermandar Egîdî ra şinê.''
