Çewlîg de xebatê HDP’yî bicoş yenê domnayene. Namzedî Kuçe-kuçe,  keye- keye gêrênê û hemwelatijan ra paşt wazenê û projeyanê xo ser qisey kenê.

Ewro parlamenterê HDP’yî yê Riha Nîmetullah Erdogmuş, parlamenterê HDP’yî yê Çewlîgî Erdal Aydemîr, namzedê hemşaredarîye yê bajarî Senem Çakase û Hîşyar Ozsoyî merkezê bajarî de şar û esnaf zîyaret kerd.  Heyetê HDP’yî  problemê şarî goştarî kerdî û projeyanê xo ser qisey kerd.  Namzedan vat ke eke ma ser bikewê, ma do şima rê xizmet o ke şima heq kenê, bikerê û şima nê tengayîyan ra bixelisnê. Şarê Çewlîgî heyetê HDP’yî her ca de bi heskerdiş peşwazî kerd û sozê paştdayşî da.

Hetê bînî ra namzede Çakase ya pîya  cinîyan ra heyetêk ewro dewe Qerwêlûn Cêr û Emtaxî zîyaret kerdî.