Rêxistina HDPyî ya Çewlîgî vizêr verê banê xo de semedê şermezarkerdişê Endama Merkezê Cigêrayîşî yê Jîneolojî Nagîhane Akarsela ke Silêmanî de ameyî qetilkerdene eşkerayîye daye.

Eşkerayîye hetê Hemsereka HDPyî ya Çewlîgî  Mîhrîbane Ekîncî ra ameye wendene. Ekîncî qetilkerdişê Akersele sey hêrişê camêrdê serdestî pênas kerd û vat: ‘’Nagîhane Akarsel têkoşînê azadîye de keda pîle daye. Seba ke Jîneolojî bêro averberdene û cinîyan ê dinya dir bêro têhet bi keda pîle rolêko serkêş kay kerd û bîyê vîrê tarîxê têkoşînê cinîyan û jîneolojî.’’

Mihrîbane Ekîncî wina dewam kerd: ‘’Roje roja wayîrvejîyayîş û averdişê fîkranê Nagîhane ya. Roje roja hêrs û dejî açarnayîşê têkoşînî ya. Ganî ma dormeyê fîkrê jînolojî de bêrê têhet û semedê azadîya cinîyan, roşnkerdişê cinîyan têkoşînî xurtêr bikerê. Nagîhane Akarsel sebebê serewedaritişê ma ya.’’

Eşkerayîye bi slogana , “Jin, jiyan, azadî” qedîyaye.