Endama Fermandarîya Qerargehî ya YJA-Starî Zozane Çewlîg derheqê bira çalakînêkerdişî ya KCKyî de cewab da persanê rojnameger Têkoşîn Axînî.

Qiseykerdişê Zozane Çewlîg ra tay noqtayê girîngî wina yê:

''Kombîyayîşê ma yê Konseya Fermandarîye ya YJA-Starî de rojdemê ma yo verên azadîya Rayber Apoyî bi. Ma sebebê tecrîdî ercnayîş û soz da ke mesuldarî û erkê xo verê Rayber Apoyî de bikerê. Rayber Apoyî merkezê ma yo; kerdişê vera ey kerdişê vera kurdan ê. Sey fedayîyanê Rayber Apoyî rewşa ey seba ma sebebê şerî yo. 

KCKyî erdlerzê 6ê sibate ra dima bire dabî ke wextêk çalakîyanê gerîlayan vindarno. Na bira KCKyî birêka exlaqî û girînge bîye. La artêşa tirke mîyanê dejê erdlerzî de zî hêrişanê xo rê dewam kerd. Ganî na babete rojdemê gerîlayan de biba û şarê ma weçînayîşan de cewabê nê tewirî bido îşxalkeran.

Na menge serrgêra şehadetê embaze Gulçîya Gabar a. Fermandara Eyaletê Serhedî Hêjare Zozan zî şehîd bîye. Nê embazanê ma peyê xo de tecrubeyê azadîye yo pîl verda. No tecrube ewro sloganê 'jin, jiyan, azadî' de xo mojneno ra. Embaze Gulçîya Behdînan ra heta Amedî, Erziromî ra heta Kobanê fermandarîye kerd. A tim bîye mîsala artêşbîyayîşê cinîyan. Embaze Hêjare wexto ke raştîya Rayberîye zanaye verê xo da koyan. Embaze Hêjare xebatanê Şehîde Delale de zî cagirewtbî. Aye hêrişê dişmenî yê vera Heftanînî mewzîyan de pêşwazî kerdbî. 

Faşîzmê Erdoganî 20 serrî yo kurdan rê zulmê pîlî kerdî û polîtîkayê qirkerdişî ardî ca. Rejîmê Erdoganî bi taybetî seba ciwan û cinîyan tehlukeyêko pîl o. Cinîyî ganî goreyê ney weçînayîşan de tewirêkî bigêrê. Nê weçînayîşî do qederê cinîyan, ciwanan û şarê ma dîyar bikerê. Ma pê bawer ê ke Partîya Çep a Keske do ser bikewa. Îqtîdar tersê ney ra hende rojnameger, sîyasetmedarî eştî zîndanî. Beno ke nê hêrişî bivurîyê komployê provakatîfî. Coka wa şarê ma hişyar bibo. 

Rejîmê AKP-MHPyî hetê leşkerî ra Zap de qedîyayo û weçînayîşanê 14ê gulane de zî Anqara de do biqedo. No do verê demokrasî abikero û dîktatorîya gonîwere sindoqan de biqeda.''