Fermandaranê HPGyî Yaşar Çiyayî bi wesîleya serrgêra Hemleya 1ê Hezîrana 2004î ANFyî rê qisey kerd.

Qiseykerdişê Yaşar Çiyayî ra tay noqtayê girîngî wina yê:

''Têkoşînê ma yê vera dewlete kewto serra 50ine. Ma bi taybetî 2015 ra nata vera dewleta tirke têkoşînêkê pîlî kenê. Dewleta tirke seba ke pratîkê paradîgmaya Rayber Apoyî Şorişê Rojawanî çin bikera 2015î ra nata bi giranî hêrişê têgêrayîşê azadîye kena la nêeşkaye biresa armancê xo. Dewleta tirke kewte mîyanê krîzêkê xorinî. Şerê ma yê 8 serranê peyênan kerd ke gerîlayî ser bikewê û planê dewlete pûç bibê.

Şarî hînî waştêne ke nê rejîmê AKP-MHPyî ra bixeliso û şi weçînayîşan. La dewlete dest na weçînayîşan ser. Îqtîdarî weçînayîşan de pêro îmkanê dewlete şuxilnayî. Şarî weçînayîşan de AKP-MHP nêweçîna. AKP-MHPyî weçînayîşan de hîle kerde. A raşte dewlete mîyanê krîze de ya, teng bîya. Eke dewleta tirke polîtîkayanê şer û qirkerdişî de israr bikera binî ra do birijîya. 

Xora têkoşînê gerîlayan dewlete hende qels kerde. Rayber Apoyî tim waşt ke meseleya kurdan bi rayîrê demokrasî çareser bikero. La dewlete no ney şer waşt. Nika têkoşînê ma bi têkoşînê şarî û ê gerîlayan dewam keno. Gerîlayî ganî şarî reyde û Yewinanê Pawitişî yê Sivîlan (YPS)reyde têbigêrê. Pêro ferdê şarê kurdî yew milîtanê/a YPSyî yo/ya.  

Aseno dişmen 2023 de şer de israr bikero. Ganî ciwanê kurdî vera hêrişan bi hawayêkê aktîfî têbigêrê, her cayê metropolan û koyan de rolê xo bîyarê ca. Seke Rayber Apoyî vatbi artêşa tewr bitesîre artêşa şarî ta.CHP bo AKP bo MHP bo nê pêro eynî yê; demokrasî û haştîye nêwazenê. Ganî ciwanê kurdî vera nînan bibê wayîrê tewirêkî.''