Temmuza 2019î de dima ke Hewlêr de endamêkê MÎTî amebi kiştene bi bahaneya ke birîndarêk tedawî kerdo, Îsmaîl Xelîl Mihemed amebi tepiştene. Mihemedo 34 serrî wexto ke 2015 de Cizîre de xebitîyayêne derbazê Başûrê Kurdîstanî bi.

Goreyê agahîyanê ke merdimanê ci dayê, Mihemed Hewlêr de restaurantêk de xebitîyayêne. Dima ke xebatkarê MÎTî Osman Kose kişîya Mihemed bi bahaneya ke kesêko birîndar tedawî kerdo tepişîya û cezaya zîndanî ya di serran dîyaye ci. Rixmo ke cezaya ci qedîyaye o vera nêdîya. 

Merdiman û keyeyê Mihemedî seba ke aqibetê ey dîyar bibo zaf xîret kerd. Merdimêkî/a ey pare kerd ke ê şîyê mehkeme û mehkeme nînan rê vato ke Mihemed warê huqûqî de vera bidîyo zî mesele hînî bîya sîyasî û ê tewrê mesele nêbenê.

Mihemed çend mengan ra dima 2ê nîsane de vera dîya la wexto ke seba destûrê îkametî şîyo dezgehê fermîyî reyna tepişîya û nêzanîyeno ke ameyo berdene bi kamca.

Keyeyî ard ziwan ke destûr nêdîyeno ke ê telefon abikerê, hacetan bişawê lajê xo yan zî bizanê o ho kamca de yo.

Ame parekerdene ke hêzê Asayîşî înkar kenê ke Mihemed ameyo destbendkerdene. Keyeyê ci qerqilîyeno û selahîyetdaran ra cewabêkî paweno.