Îşxalkerî bêmabên hêriş kenê, gerîlayî xo pawenê

Artêşa tirke ya îşxalkere bi desan rey pê teyarayanê şerî, obus û tanqan hêrişê Herêmanê Pawitişî yê Medya kerd. Gerîlayan çarçeweya xopawitişî de cewab da, 5 îşxalkerî ameyî cezakerdene.

MerkezêÎ Îrtîbat û Çapemenîye yê HPGyî derheqê hêrişanê artêşa tirke de eşkarîye daye û nê pare kerdî:

 “ Herêma Zapî;

30 û 31ê ê gulane de îşxalkeran Warê Xoverdayîşî yê Girê FMyî de hêrişê hêzanê ma kerd. Hêzanê ma semedê xopawitişî cewab da. Naye sero xebatê mewzîyan ê îşxalkeran ameyî vindarnayene.Dima ra warê xoverdayîşî hetê îşxalkeran ra dîya bombayan ver.

Herêma Avaşînî;

30ê gulane de Warê Xoverdayîşî de îşxalkeran hêrişê hêzanê ma kerd, hêzanê ma semedê xopawitişî cewab da. Nê pêkewtişî de 5 îşxalkerî ameyî cezakerdene.

Bombarduman;

30ê gulane de warê Girê Çarçelî û Gundê Şelazê yê Metîna, Girê Bahar, Girê Cûdî  û Girê Amedîyê yê Zapî, warê Girê Zengilî yê Garê 10 rey pê teyareyanê şerî dîyayî bombayan ver. 30 û 31ê gulane de Warê Xoverdayîşî yê Girê FM û Girê Cûdîyî yê rojawanê Zapî û mewzîyê xoverdayîşî yê Sîda ya rojhelatê Zapî 44 rey pê obus û tanqan dîyayî bombayan ver. Îşxalkeran kerd ke pê kepçeyan mewzîyanê xoverdayîşî birijnê. Eynî rojan de mewzîyê xoverdayîşî yê Çemçoyî zî raştê hêrişî ameyî.”