Îdareyê Xoserî yê Demokratîkî yê Şingalî û TAJÊ qirkerdiş û hêrişê dewleta tirke ya îşxalkere yê vera Rojawanî bi eşkerayîyêke şermezar kerdî.

Hemserekê Meclîsê Xoserîya Demokratîke yê Şingalî Nayîf Şemoyî eşkerayîye wende. Eşkerayîye de mesajê paştdayîşê bi Rojawanî ame dayene.

Eşkerayîye de dîya zanayene ke seba ke Îdareyo Xoser ê Rojawanî wazeno cerganê DAÎŞî muhakeme bikero dewleta tirke hêrişê xo zêdînayê. Şemoyî vat: ''Wa dişmen bizano ke qetî nêreso armancê xo. Ma do bi îradeyê xo xo ver bidê.''

Nameyê TAJÊ ser o Rihame Hiço qisey kerd û vat: ''Seba ke rîyê ci yo raştikên eşkera nêbo dewleta tirke nêwazena cergê DAÎŞî bêrê muhakemekerdene.''