Şarê Mexmûrî 12 rojî yo vera ablûqa xo ver dano
Xoverdayîşê roniştoxanê Kampa Mexmûrî vera ablûqakerdişî 12 rojî yo dewam keno. Leşkerê Iraqî hema zî dormeyê kampe de yê.
Artêşa Iraqî 20ê gulane ra nata kena ke dormeyê Kampa Multecîyan a Şehîd Rûstem Cûdîyî pê têlan û kuleyan bigêra. Vera ablûqa şarê Mexmûrî xoverdayîş de yo.
Şarê Mexmûrî 12 rojî yo xoverdayîş de israr keno. Leşkerê Iraqî zî 12 rojî yo ablûqakerdişî de israr kenê û dormeyê kampe pê têlan gênê.
Şar heta serê sibayî xeymanê xoverdayîşî de nobete gêno.
