Şarê Mexmûrî 14 rojî yo vera ablûqa xo ver dano

Şarê Mexmûrî vera ablûqaya artêşa Iraqî 14 rojî yo xo ver dano.

Artêşa Iraqî 20ê gulane ra nata kena ke dormeyê Kampa Multecîyan a Şehîd Rûstem Cûdîyî pê têlan û kuleyan bigêra. Vera xîretê ablûqakerdişî şarê Mexmûrî 14 rojî yo serê sibayî ra heta şewe bêmabên xo ver dano.

Di hewte yo artêşa Iraqî bi desan reyî kerd ke dormeyê kampe de xendekan bikêna û debikewa kampe. La şarê Mexmûrî bi qerardarî vera nê xîretan girewt.

Kampa Mexmûrî cara bi serran o binê ambargoyê PDKyî de ya û şar ano ziwan ke ê meverdê ke kampe bêra kerdene zîndanî.

Şarê Mexmûrî wazeno ke verê ci de huqûqê multecîyan o mîyanneteweyî bêro caardene. Şar venga hukmatê Iraqî dano ke wa waştişanê dewleta tirke nêkero.

Heta nika mabênê temsîlkaranê kampe û selahîyetdaranê Iraqî de çend pêvînayîşî ameyî kerdene. Neteweyanê Yewbîyayeyan zî hêrişanê DAÎŞî ra dima reya verêne kampe de şar zîyaret kerd. Nê pêvînayîş û zîyaretan de soz dîya şarî ke ablûqa do bêra wedaritene la heta nika no soz nêameyo caardene.