Hukmatê Iraqî xîret keno ke dormeyê Kampa Multecîyan a Şehîd Rûstem Cûdîyî (Mexmûr) pê têlan bigêro. Bi desan wesayîtanê zirxînan dormeyê kampe girewt û ê wazenê ke debikewê kampe, dormeyê kampe pê têlan bigêrê.

Hukmatê Iraqî bi desan wesayîtê leşkerî, çek, kepçe, têlê ablûqa dormeyê kampe de vila kerdî û wazenê dormeyî pê têlan bigêrê binê ablûqa.

Şarê Mexmûrî zî dormeyê wesayîtanê zirxînan girewt û xeymî nayî ro. Şarî vera ablûqa çalakîya xeyme daye destpêkerdene.

Şar rixmê varanî zî xo ver dano.

Dadîyanê Mexmûrî vat: ''Saete 05.00 ra nata ma payan ser de yê. Şarê ma gêrîyeno binê ablûqa. Ma ney qebul nêkenê. Ma do heta peynî xo ver bidê.''