Artêşa Iraqî saetanê sere sibayî de seba ke Kampa Multecîyan a Şehîd Rûstem Cûdîyî ya Mexmûrî bigêra binê ablûqa, cayanê stratejîkan ê derûdorê kampe de xo ca kerd û dest pê kendişê hendekan kerd.

Şarê Mexmûrî şeş rojî yo vera ablûqa nuqtayanê leşkeran de xover dano. Hendekê pê dozeran ameyî akerdene, şar pê destanê xo  û wîyeyan rayna dekeno, qefilneno.

Xoverdayoxan ra Ehmed Hilalî vat, “Mabênê ma û hêzanê Iraqî de pêrodayîş vejîya. Ma gamêke zî peyser nêeşte. Heta ke ê peyser amegêre ma do cayê xo ra meleqê. Ma do şirê înan ser.  Eke ma no qebul bikerdêne xora ma Vakurê Kurdîstanî de qebûl kerdêne.” 

Fehan Didêrî zî vist vîrî ke xoverdayîşê înan kewto roja şeşine û vat, “ Panc rojanê ravîyarteyan de tay pêvînayîşî ameyî kerdene û tay sozî ameyî dayene la roja şeşine de saetanê şefeqê sibayî de artêşa Iraqî reyna waşt bi hêzê girdî derûdorê kampe bigêro. Kenê ke  kampe bi temamî bigêrê binê kontrolê xo. Şar do bi îrade û xoverdayîşê xi yê girdî hêrişê înan bişikino. Gerek çar hetanê dinya de şar wirzo payan ser û paştî bido şarê Mexmûrî.”