Şarê Binarê Qendîlî bi çalakîyêke PDKyo ke  hêzê xo şawito Zînî Wertê protesto kerd. Çalakîye de polîtîkayê şerî ameyî şermezarkerdene û semedê vergirewtişê şerê wayûbirayî ame vengdayene.

Çalakîya ke hetê Meclîsê Şarî yê Qendîlî ra ameye organîzekerdene de posterê Rayberê Şarê Kurdî Abdullah Ocalanî ameyî kiriştene û bi sloganan dewleta tirke û paştgêrê ci ameyî protestokerdene. Badê rayraşîyayîşî dewa Zergele de eşekrayîyêke ameye dayene.

Eşkerayîye de bale ameye ser antene ke dewleta tirke tim polîtîkaya kurdan yewbînan rê bido kiştene rayra bena û veng dîya partîyan û têgêrayîşê kurdan de ke vera dişmenî bîbê yew û plananê înan pûç vejê.

Eşkerayîye de ame vatene ke PDK bi destê Tirkîya şerê wayûbirayî vejena û ambargoye Kampa Mexmûrî, qewimîyayîşê Şengalî û bi destê ajanan deşifrekerdişê waranê gerîlayan ameyî vîrvistene.

Çalakwanan ard ziwan ke sewqkerdişê çekenanê giranan ê PDKyî yeno manaya şerî û ame vatene ke çîyê ke ewro Zînî Wertê de bênê par û pêrar Behdînan û  Bradsot de qewimîyayî. Nê herêmî kewtî destê dewleta tirke. Netîceya ci de bi seyan dewî rijîyayî şaro sivîl ame qetilkerdene.

Çalakwanan vat ma sey şarê Binarê Qedîlî şerê wayûbirayî nêwezenê û veng danê heme partîyanê sîyasî û dezgehanê heqanê merdiman û haştîwaştoxan wa desturê nê şerî medê. Ma nê qebûl nêkenê û do herra xo bipawê.