Gerîlaya YJA-Starî sema Koçerîn (Rewşen Aşkara) 31ê adara 2020î de koyê Agirî de vera hêzanê dewleta tirke çalakîyêka fedayî kerde. Gerîla Sema Koçerîn verî ke çalakîya xo bikera 12ê sibata 2020î de mektubêk nuşt û qala armancê çalakîya xo kerde. Mektubê şehîde Sema wina yo:

''Name û peynameyê mi Rewşene Aşkara yê. Nameyê min ê qodî Sema Koçerîn a. Ez 1995 de Sêrt de dadîya xo ra bîya. Ma 8 way û bira yê. perwerdeyî ra dima ez tewra PKKyî bîya. Vera Rayber Apoyî, kay û îşkence dewam kenê. Îşkenceyê vera Rayber Apoyî yeno manaya îşkenceyê vera merdimîye. Sere de hêzê hegemonîkî, îqtîdarê AKP-MHPyî nê kerdişan ra mesuldar ê.

Dewleta tirke Kurdîstan kerd 4 parçe û hema wazena şarê kurdî qetil bikera. Welatê ma de tecrîd, tacîz, tecawuz û îşkenceyî dewam kenê. peygoşîya vera naye yena manaya teslîmbîyayîşî. Serek Apoyî tim raştîya hemcuya azade û exlaqê ci îfade kerd û rayîrê roşnîye xo rê kerd esas.

Rayber Apoyî meseleyanê Rojhelatê Mîyanênî rê çareserîyî peyda kerdî. Hemleya 'Şiknayîşê tecrîdî, rijnayîşê faşîzmî û azadkerdişê Kurdîstanî' pêro Rojhelatê Mîyanênî û Ewropa ra vila bi. Grevê vêşanîye yê zîndanan de 8 embazê ma şehîd bîyî. Rayberîye veng da ke wa grev biqedo. La dewleta tirke dima hêrişê Şingal, Efrîn, Mexmûr, Qendîl, Herêmanê Pawitişî yê Medya kerd.

Komployê 15ê Sibate ra dima serranê peyênan de tecrîd ame xorinkerdene. Heqê ma yo ke ma vera dewleta tirke bi her hawayî çalakîyan bikerê.

Ez wazena vera nê polîtîkayanê gemarinan biba hewna şewan ê tarîyan ê dişmenî û pê çalakîya xo vera tecrîdê Îmraliyî, bêhûrmetîya erjanê Rayber Apoyî, çinhesibnayîşê cinîyan cewabê bida.

Ez seba na çalakîye amade ya. To vat cinîya azade welato azad o. Pê na felsefe cinîyî newe ra pê xo hesîyayî.

Serekê mi,

Semedo ke ti recrîdkerde yî mi zaf rexneyî dayî. Pê rayîrê çalakîya xo ez wazena rexnedayîşê xo bivisna dewre. Wayîrvejîyayîşê erjanê xo, wayîrvejîyayîşê armancê Kurdîstanê azadî yê şehîdan, hêvîya tewr pîle ya şarê ma seba ney o.

Seba wayîrvejîyayîşê nê mîrasî ganî ma hêzê xo bikerê yew û şer bikerê. Ma ganî hêrsê xo yê vera tecrîdî bikerê bomba û mezgan de biteqnê. Nika wext wextê ney o. Wezîfeyê ma yo ke ma nika tecrîd bişiknê.

Hêvîya ma her wextî ra zêdêr a, ma her wextî ra zêdêr nêzdîyê azadîye yê. Sey cinîyêka kurda ez pê cenabê to sereberz a. Seba ke ez layîqê cenabê to biba ganî xîret bikera ke çalakîya tewr rinde û bitesîre bikera. Ez lew nana çimanê domanan rê, sereyê xo verê pîlan de ana war, heskerdiş û selamanê xo erşawena. Ez her kesî rê serkewtiş wazena.

Embazê min ê ercîyayeyî;

Seke mi verî vat estbîyayîşê mipê tewir û embazîya Rayber Apoyî ame afernayene. Ma vera serdestîya camêrdan şer kenê. Ganî camêrdî zî paştî bide nê şerî. Rayber Apoyî ra ber kesê ma çin o. Coka ganî ma embazîya xo geş bikerê. Ez do hem vera cînsê xo hem zî vera xo biba wayîrê tewirêkê îdeolojîkî.Seba ke ez bina layîqê Rayberê xo, şarê xo û şehîdan ez îdîaya xo pawena.

Keyeyê min o ercîyaye;

Ez pê bawer a ke şima do çalakîya mi fam bikerê. Seke şima zanenê partîya ma pê ruhêkê fedayî têgêrena. Wezîfeyê ma yo ke ma paştî bidê partîya xo. Sey milîtanêka PAJKî ez wazena biba wayîrê nê mîsyonî. Ez wazena şima çalakîya mi fam bikerê û bi hawayêkê hîsgerî nêzdîyê ci bibê. Seba şorişî zaf karî estê û seba nê karan zî ma hewceyê rêxistinîye yê. Ganî şima na mesele ser o vinderê. Zîndanan ra metersê koletîye ra bitersê. Miqatê xo binê, ez şima ra hes kena û selam û heskerdişê xo erşwena.

Selam û hurmetê şorişgêrî

12ê Sibata 2020î

Sema Koçerîn

SERHED"