Meclîsê Xoserîya Demokratîke ya Şengalî (MXDŞ) vera hêrişanê Dewleta Tirkan Şengalî de 7ê teşrîna peyêne de kombîyayîşêk kerd û birra boykotkerdişê malanê tirkan  girewte. Seba hayîdarkerdişê şarê Şengalî zî komîteyêke ameye sazkerdene.

Hewteyêkî ra dima 13ê teşrîna peyêne de hemleya boykotkerdişî yê malanê tirkan Şengal de û bajarekanê Sînûne, Xanesorî û tay dewan de dest pêkerd. Derheqê boykotî de vilakerdişê vilawekan dewam kenê. Vilawekan de venga hemwelatîyan yeno dayene ke malanê Tirkan nêhêrînê û girîngîyê bidê malanê herêmîyan. Derheqê babete de Hemserekê Meclîsê Şarî yê Sinûne Xwedêda Elîyasî qisey kerd û vat: "Bi rayîrê komîte ma vilawekan vila kenê ke wa şar û esnafî malanê tirkan nêherînê. Hêrînayîşê malanê tirkan seba îşxalan paştdayîş o. ''

Hemwelatî Omer Miradî zî vat: "Na hemleya boykotkerdişî zaf baş a. Ma hêvî kenê ke na hemle dewam bika û hînî şarê ma çîyêkê tirkan nêhêrîno. Rewşa Şengalî zaf baş a. Ganî ma girîngîye bidê malanê herêmîyan. Şengalî de her çîyê ma esto ke ma bieşkê pê debarê xo bikê."