Fermandaranê YPGyî ra Şervan Sasonî derheqê Fermandar Fazil Botanî de ajansê ma rê qisey kerd.

 “Tarîx de tay helî est ê ke raştê her kesî nînê la eke ê helî bêrê gerek merdim bi metodanê tewr holan ser bikewo. Ma şexsê Embaz Fazilî de no dî. Ma wirdan wextê tarîxî de yewbîn sarisna. Nê tarîxî de qederê yew şarî ameyêne bewlîkerdene û qederê yew şorişî ameyêne nuştene. Prosesêko sey adirî bi. DAÎŞ hêrişê heme merdimîye kerdêne, qirkerdişê girdî ameyêne kerdene. Badê hêrişê vera Şingalî çeteyan verê xo dabi Rojawanî ke heme herême îşxal bikero. YPG rixmo ke îmkanê ci yê teknînî kêm bî, bi hewayêkê qerardarî vera çeteyan şerkerdêne. Mi Embaz Fazil prosesê winayên de sarisna. 

Wexto ke çeteyan hêrişê Cezaa kerd Embaz Fazil berpirsîyarê nê cepheyî bi. Ma zî sey hêzê Qamişloyî tewrê prosesî bîyî.  Nê şerî de mi zaf tecrube û dersê muhîmî Embaz Fazilî ra girewtî. Raşta zî Embaz Fazilî nê şerî de rolo zaf gird kay kerd. Fermandarê cepheyî, fermandarê ma pêrune bi. Embaz Fazil semedê paştdayîşê Şorişê Rojawnaî koyanê Kurdîstanî ra ame. Taktîk û stratejîya Embaz Fazilî DAÎŞ serûbin kerd û rijna. Cayo ke ê koordîne kerdêne de DAÎŞ nêeşkayêne aver şiro. Şorişê Rojawanî û heme merdimîyê deyndarê ey yê. Ma deyndarê ey û fermandar û şervananê bînan ê. Çunke DAÎŞ dişmenê heme şaran bi, erjê heme merdimîye çîn kerdêne. Fermandaranê sey Embaz Fazilî verê nê hêrişan girewt, hedef û hêrişê DAÎŞî betal kerdî.

Embaz Fazilî heme cephe şe şeran de ca girewt, serkêşîye kerde.  Helêka ci zî veng nêşîye. Cepheyanê ke ê koordîne kerdêne di dişmen nêeşkayêne ser bikewo. Fermandarê dewrî û serkewtişî bi. Şervanê YPGyî bîyî teqîkarê ey. Têna hetê leşkerî ra nê bi cuya xo zî tesîr kerdêne. Vindertişê ci, mutewazîya ci, tekîlîya ci ya bi şar û embzanê ci... eşiqê welatê xo bi. Birndarbîyayîş û şehadetê ey semedê ma dejo pîl o. Ê xo dima şervanê hêzdarî verdayî.  Semedê nê şorişî fermandarê girdî afernayî. Werîkna embaz Fazilî nê rojî bidîyênî. Binkewtişê DAÎŞî bidîyênî. Keda ke embaz Fazilî semedê şorişî da do çirey nêro vîrakerdene. Ma do tim rêça fermandarê xo Embaz Fazilî de bê. Ma sozê serkewtişî dayo şehîdanê şorişî. Ma do nê sozê xo bîyarê ca.”