Vera gef, teda û hêrişanê dewleta tirke ya îşxalkere şarê Şingalî vizêr rayberîya Meclîsê Xoserîya Demokratîke ya Şingalî de çalakîyêka rayraşîyayîşî kerde û hukmatê Iraqî zî şermezar kerd.

Pêro dezgeh û rêxistinê Şingalî tewrê rayraşîyayîşî bîyî, înan sloganê sey 'Bimiro îxanet', 'Biciwîyo xoverdayîşê Şingalî' vatî û pankarta bi nuşteyê 'Îşxalê dewleta tirke rê nê' akerde. Cayê bombardumanî de eşkerayîye ameye dayene. Eşkerayîye de venga hukmatê Iraqî û Neteweyanê Yewbîyayeyan ame dayene ke wa vera hêrişanê Tirkîya têbigêrê. 

Nameyê Meclîsê Ereban ser o Xideyîr Salehî qisey kerd û Endama TAJÊ Neame Bedel zî qisey kerd. Înan hêrişî şermezar kerdî û venga NYyî da ke wa erkanê xo bîyarê ca.

Dima fotografê Erdoganî hetê ciwanan ra ameyî vêşnayene û çalakîye qedîyaye.