Şarê Şingalî yo ke hêrişanê DAÎŞî ra neçare mendibi ke koç bikero agêreno wareyê xo. Şingalijê ke kampanê Başûrê Kurdîstanî de manenê verê xo danê erdê xo.

104 keyeyê bînî Kampa Çem Mişkoyî ya Dihokî ra agêrayî Şingalî. Zafê nê keyeyî Digurî ra yê. Wina pawîyeno ke hûmara koçberanê ke agêrenê do biresa 500 keyeyan.

La şingalijê ke wazenê abigêrê erdê xo û seba agêrayîşî nameyê xo qeyd kenê raştê astengîyanê hêzanê PDKyî yenê.