Newroza emserî ya ke bi şîarê ''Her der Newroz, her dem azadî'' û ''Bi adirê Newroze ver bi azadîye'' yena kerdene, ewro fînalê ci yê Vakurê Kurdîstanî Amed de yeno kerdene. Şarê Amedî Parka Newroze ya qezaya Rêzanî de yeno pêser.

Saetanê serê sibayî ra şarê Amedî de kincê neteweyî kerdî piray, bi slogananê ''Bijî Serok Apo'', ''Be Serok jiyan nabe'' û ''Jin jiyan azadî'' tîlîlî û çapikan verê xo warê Newroze.

Ciwanan xoverdayîşê gerîlayan silam kerd û vat '' PKK şar o, şar tîya de yo.''

Endamê Meclîsê Ciwanan ê HDPyî û Meclîsanê Wendekaran ê Demokratîkan bi pankartê ''Bi rihê nûjen Kawa, Bi rihê, Kemal Kurkut, ciwanên azad dimeşin''  ver bi warê Newroze rayra şîyî. Wextê rayraşîyayîşî slogana ''Bijî Serok Apo''yî ameye vatene.

Sahne de bi seyan polîsî ameyî cakerdene. Mîkserê vengî pê barîyeranê polîsan ameyo qefilnayene. Gama ke meydan ra vengê sloganan yeno polîsî cade mudaxale kenê vengê înan mero eşnawitene.