468 sendîka, rêxistinanê komelê sivîlî û dezgehanê Vakurê Kurdîstanî Meydanê Şêx Seîdî yê Amedî de bi wesîleya 1ê Êlule Roja Haştîye ya Dinya deklarasyonêko hempar ê bi sernameyê 'Her çî ra verî haştîye' da.

Hemserekê HDPyî yê Amedî Zeyyat Ceylanî û Wekîlê HDPyî yê Amedî Îmam Taşçier tewrê eşkerakerdişê deklarasyonî bîyî. Eşkerayîye hetê Serekê Baroyê Amedî Nahît Erenî ra ameye wendene.

Erenî da zanayene ke Tirkîya de bingeyê pêro meseleyan de israrê çaresernêkerdişê meseleya kurdan est o. Erenî vat: Polîtîkaya çaresernêkerdişî bena sebebê krîzê ekonomîkî. Seba ke meseleya kurdan zemînê demokratîkî û haştîyaneyî de çareser biba ma venga pêro dînamîkanê sîyasî û komelkîyan danê ke mesuldarîya xo bîyarê ca. Ma veng danê ke cade bingeyê hemwelatîya têdûşte û krîteranê globalan de haştîya mende bêra caardene.''