Fermandaranê HPGyî ra Dilêr Amedî derheqê Hemleya 1ê Hezîrane de ANFyî rê qisey kerd. 

Fermandar Amedî ard ziwan ke Hemleya 1ê Hezîrane seba Şerê Şarî yê Şorişgêrî, gerîlayan û şarê kurdî wayîra cayêkê taybetî ya û vat: ''Bi Komployê 1999î yê vera Rayber Apoyî ame waştene ke şarê kurdî bêro çinkerdene. Rayber Apoyî vera ney paradîgmayêka newîye viste vernî. Rayber Apoyî wina komplo pûç kerd û şans da dewlete ke meseleya kurdan çareser bikeera. La dewleta îşxalkere ancî armanc kerd ke şarê kurdî û têgêrayîşê azadîye tasfîye bikera. Hemleya 1ê Hezîrane vera tasfîyekerdişî bîye cewab.

Hemleya 1ê Hezîrane ra dima şarê ma hîna zaf wayîrê gerîlayan vejîya û seba ameyoxî hêvîyê xurtî afernayî. Hemleya 1ê Hezîrane verê hesabanê komplogeran girewt. Hemleya 1ê Hezîrane reyna marîfetê şerî yê gerîlayan mojna û da zanayene ke gerîlayî amade yê ke çar parçeyanê Kurdîstanî  vera îşxalkeran bipawê. Bi Hemleya 1ê Hezîrane ma sey gerîlayan terzê xo yê şerî vurna û aver berd. Hemleya 15ê Tebaxa 1984î seba şarê kurdî  vera tarîtî, kolonyalîzm û kanwazîye guleyo verên bi; Hemleya 1ê Hezîrana 2004î zî têkoşînê vera komployî, kurdanê hemkaran ameyoxê şarê ma yo.''