Fermandaranê YRKyî ra Simko Serhildan (Macîd Kavîyan) 3ê êlula 2011î de hêrişê Îranî yê vera Qendîlî de şehîd bibi. Fermandara Hêzanê Pawitişê Cinîyan (HPC) Aryene Arê serrgêra şehadetê Simko Serhildanî de ANFyî rê qala têkoşînê ey kerd.

Fermandare Aryene Arê ard ziwan ke Simko Serhildan sey serkêşêkê Rojhelatê Kurdîstanî zanîyeno û vat: ''Ey pê têkoşînê xo ma rê mîrasêko bêhempa verda. Wexto ke mi o şinasna sadebîyayîşê ey û qedro ke ey dayêne embazîye zaf tesîrê mi kerd. O dima ke binê tesîrê Rayber Apoyî de mend tewrê têkoşînî bi û koyan de zî ey xo rê tim xeta felsefeya Rayber Apoyî esas girewte.

Bi serran ma pîya têkoşîn kerd. Ey xeta kurdayetîye û Kurdîstanî teqîb kerdêne. Şerê Qendîlî de heta şehadetê xo ey şer koordîne kerd. Îranî 2011 de wexto ke hêrişê Qendîlî kerd hesabê cîyayî kerdêne. Îran rixmê pêro îmkananê xo zî Qendîl de bin kewt. O çax ame îsbatkerdene ke çew nêeşkeno adiro ke Rayber Apoyî visto ta, hewna bikero. Simko Serhildanî îsbatê na raştîye de xeylêk kedî dayî.''