Şaredarîya Colemêrgî ya HDPyî 2016 û 2019 de hetê qeyûman ra amebî xespkerdene. Hemşaredara Colemêrgî Humeyra Armuta ke dest nîyabî erkê ci ser, ANFyî rê qisey kerd û ard ziwan ke qeyûmî dişmenîya şarî kenê.

Humeyra Armut pare kerd ke sîyasetê qeyûmî armanc keno ke îradeyê şar û şaristanî bivisno destî û vat: ''Tayînkerdişê qeyûman dişmenîye ya. Qeyûmî teyna wazenê ke destkewteyanê şarê kurdî çin bikerê û îradeyê şarî çin bikerê. Dima ke qeyûm tayînê Colemêrgî bi dezgehê kultur, ziwan û cinîyan ameyî qeflnayene. Bi sîyasetê qeyûman ame waştene ke îdareyê ma qels bêro mojnayene la eqsê ci bi. Qeyûmî polîtîkayanê şerî şarî rê ferz kenê. Şaristanê ma binê ablûqaya qeyûman de yê. Vera sîstemê qeyûman xora şarê ma zî xo ver dan.''

Armute da zanayene ke qeyûmî dezgehê cinîyan qefilnayî yan zî camêrdî sey îdarekarî wezîfedar kerdî. Armute vat: ''Cinîyî zaf hêrsbîyaye yê. Xeylêk dezgehê ma yê sey Merkezê Kultur û Hunerî yê Feqîyê Teyran û Merkezê Cinîyan ê Binevşe ameyî xespkerdene. Qeyûm xîret keno ke pê polîtîkaya asîmîlasyonî kultur û hunerê şarê ma çin bikero. Ma do reyna bêrê wezîfeyê xo ser û waştişanê cinî û ciwanan bîyarê ca. Xeylêk projeyê ma est bîyê ke qeyûman ra dima nêmcet mendê. Ma do nînan bi xurtî bîyarê ca.''