Meclîsê Şarî yê Demokratîkî yê Mexmûrî da zanayene ke netîceya pêkerdişî de artêşa Iraqî dormeyê kampe ra xo apey anto û çalakîya şarî naye ra dima qedîyaye.

Hemserekê Meclîsê Şarî yê Demokratîkî Yusuf Karayî derheqê babete de nê agahîyî dayî:

''Şarê ma 16 rojî yo vera xîretê ablûqakerdişî xo ver dayêne. 2021 de zî têgêrayîşo winayên qewimîyabi. A raşte nê hêrişî bi destê dewleta tirke û PDKyî yenê kerdene. Şarê ma 20ê hezîrane ra nata vera xîretê ablûqakerdişî xo ver dayêne. Ma zaf reyî pêvînayîşî kerdî. Tewr peyên pêvînayîşê Bexdadî de ma bire daye ke pê dîyalogan mesele çareser bikerê. Coka artêşa Iraqî xo apey ant coka ma zî çalakîya xo qedînaye. La eke reyna hêrişo winayên biqewimîyo ma do reyna xo ver bidê. Sey şarê Mexmûrî ma seba destekê şarê ma, rêxistinan û partîyan sipas kenê.''