Artêşa tirke ya îşxalkere pê çekanê qedexeyan hêriş kerd
Artêşa tirke ya îşxalkere 8ê nîsane de pê çekanê qedexeyan hêrişê mewzîyanê xoverdayîşî yê warê Sîda kerd. Hewa û erdî ra zî 85 rey hêrişî ameyî kerdene.
Merkezê Îrtîbatî û Çapemenîye yê HPGyî derheqê hêrişanê artêşa tirke de eşkerayîye daye û nê pare kerdî:
" 8ê nîsane de îşxalkeran hêrişê mewzîyanê xoverdayîşî yê Sîda kerd. Hêzanê ma semedê xopawitişî cewab da. Di rey temas qewimîya. Eynî roje mewzîyê xoverdayîşî yê Sîda pê çekanê qedexeyan dîyayî bombayan ver.
7 û 8ê nîsane de zî Warê Xoverdayîşî yê Girê Cûdîyî pê di rey pê teyarayanê şerî û Girê Şehîd Pilingî, dormeyê dewa Tirvanîşî û warê Şehîd Vîyane yê Metîna, Warê Xoverdayîşî yê Girê Fmyî, Saca û mewzîyê xoverdayîşî yê Sîda û Çemçoyî 83 rey pê obus, tank û çekanê giranan dîyayî bombayan ver. "
