Hemserekê Şubeyê Egîtîm Senî yê Wanî Murat Atabayî vat dewrê perwerde-musayîşî yê 2022-2023yî de qicanê kurdan çarçeweya polîtîkaya asîmîlasyonî de dest pê mektebî kerd.

Murat Atabayo ke ANFyî rê derheqê muhîmîya perwerdeyê kurdkî de qisey kerd, nê vatî: ‘’Ma bi serran o vanê ke problemo tewr pîl oyo ke qicê kudan nêeşkenê ziwanê xo yê dayîke de perwerde bivînê. Her dewrê perwerde-musayîşî de no problem reyna vejîyeno werte. Qicê kurdan raştê asîmîlasyonî yenê. Seba ke qicê kurdan kurdkî perwerde nêvînenî hem dersanê xo de peyde manenê hem zî semedê averşîyayîşê înan zî problemêko gird o. Qicê kurdan pê yewna ziwanî dest pê perwerdeyî kenê ke na rewşe travmaya psîkolojîkî dana ciwîyayene. Qicî xo de kêmayîye vînenî û coka nêeşkenê gamanê pêtan bierzî. Çîyo ke ganî bêro kerdene zaf zelal o. Ganî kurdkî bigêrîyo bine asayîşê qanûnê bigeyênî. Semedê nê gama verêne zî perwerdeyê kurdkî yo. Ganî qicê kurdan ziwanê xo kurdkî de perwerde bivînê. Problemanê ma yê tewr girdan ra yew no yo.’’