Endamê Komîteya Merkezî ya PKKyî Muzaffer Ayatayî cewab da persanê ANFyî.

Ayatayî da zanayene ke Darbeya 12ê Êlule bingeyê rejîmê Erdoganî awan kerd û ewro hema zî vera kurdan polîtîkaya înkar û îmha yena caardene. Ayatayî vat: ''Sentezê Tirk-Îslamî wextê Darbeya 12ê Êlule de ronîya û Erdogan no sentez kerd rejîmê faşîzanî. Erdoganî wesayeto ke leşkerî nêeşkayê ronê, nayo ro.

O çax zîndanî bîyî merkezê xoverdayîşî. La tewr zaf Zîndananê Mamak, Metrîs û Amedî de têkoşîn xurt bi. Amed sey hedefî hetê dewlete ra ame weçînayene. Çunke Amed paytextê kurdan o û merkezê têkoşînê PKKyî bi. Înan va qey eke PKK xo ver nêdo ê do bieşkê xoverdayîşê pêro kurdan bişiknê la PKKyî xo ver da. Çunke PKKyî xo rê xeta Rayber Apoyî esas girewtêne. Merdimî bi fedakarî dormeyê PKKyî de ameybî yewca. Embazanê sey Kemal, Hayrî û Mazlûmî pê xoverdayîşê xo kerd ke PKK hîna xurt bibo. Zîndanê Amedî de embaz Mazlûmî çilaya xoverdayîşî viste ta. Dima Rojeyê Mergî yê Pîlî yê 14ê Temmuze serkêşîya Hayrî û Kemalî de dest pêkerd. Înan pê gan û estbîyayîşê xo, pê fedakarî verê faşîzmî girewt. Çalakîya înan netîceyê tarîxîyî mojnayî.

Înan asta fedayîtî, fedakarî, milîtanî û perwerîye eşkera kerde. PKK baxçeyê nê qehremanîyan o. Kemal Pîr 7ê êlule de, Hayrî 12ê êlule de, Akîf Yilmaz 15ê êlule de, Alî Çîçek 17ê êlule de şehîd bîyî. Şehadetê înan 40 serrî xo pey de verdayî la ê hema zî mîyanê têkoşîn û şerê ma de ciwîyenê.

Seba ke dewleta tirke armancanê xo ra fek vera nêda PKKyî zî têkoşînê xo ra fek vera nêda. Tirkîya de heta ke hişmendîya înkarî, çinkerdişê kurdan nêqeda şer zî do nêqedo. Ma keyfê xo ra hende têkoşîn nêkenê. Xoverdayîşê ma netîceya birêka keyfîye nê, lazimîyêka tarîxîye bi. Ma bi hawayêkê zerrîwazî û neçarîye ra tewrê nê têkoşînî benê. Şer yeno manaya îşkence, zîndan û mergî. Ma ney zanenê. La fikr, wijdan û îdealê ma vanê ke ganî ma vera neheqîye û zorbazîye têbigêrê. Zîndanan de bi nê hawayî faşîzm ame binvistene. Darbeya 12ê Êlule bin kewte la Kemal, Hayrî û Mazlûmî ser kewtî.

Ewro nameyê xeylêk gerîlayan Mazlûm, Kemal û Hayrî yê. Ma do deynê xo înan rê bi hawayêkê minetdarî do bidê.''

Do dewam bikero...