Namzeta Wekîlîya Colemêrgî ya rêzê diyînî ya Partîya Çep a Keske Oznure Bartin derheqê armancanê xo yê wekîlîye de ANFyî rê qisey kerd.

Bartin ard ziwan ke kurdî nika prosesêkê zulmî ra derbaz benê û vat: ''Kurdî wayîrê heqê hemwelatîya têdûşte nîyê. Nê welatî de ziwan, kultur û îradeyê ma nêşinasîyenê. Sere de Meclîs, şaredarîye, kuçe ma do her cayî bikerê warê xoverdayîşî û heqanê xo bivisnê destî. Ez soz dana şarê ma ke ez do mesuldarîyanê xo bîyara ca. Ma mezgêkê despotî de têrî yê. Coka ez do Meclîs de biba vengê cinî û ciwanan.''

Oznure Bartin 1985 de qezaya Geverî ya Colemêrgî de dadîya xo ra bîya. A lîse de tewra xebatanê ciwanan bena. Oznure Bartin wexto ke Zanîngehê Pamukkale yê Denîzlî de felsefe wendêne tepişîyaye û serrêke û nêm zîndan de mende. Bartine zîndan de tewra rojeyê mergî bîye. Bartine wexto ke Şaredarîya Rêya Armûşî ya Wanî de xebitîyayêne ameye destbendkerdene û dima karî ra ameye vetene. Aye wextêk hemserekîya HDPyî ya Wanî zî kerde.