Bazyanî: Dewleta tirke Behdînan de 4 mîlyonî ra zafêr darî birnayî
Serekê Partîya Keske ya Kurdîstanî Milko Bazyanîyî da zanayene ke dewleta tirke ya îşxalkere Behdînan de tewr tay 4 mîlyon darî birnayê.
Serekê Partîya Keske ya Başûrê Kurdîstanî Milko Bazyanîyî derheqê qirkerdişanê xoza yê dewleta tirke de tay agahîyî dayî.
Bazyanîyî RojNewsî rê qisey kerd û pare kerd ke dewleta tirke bi hemkarîya PDKyî herêma Behdînanî de daristanan qir kena.
Bazyanîyî vat: ''Par dewleta tirke bi rayîrê şîrketêke Behdînan de 4 mîlyon darî birnayî. Behdînan de tay cayî vurîyayê çolî. Ma Neteweyanê Yewbîyayeyan (NY) rê gerre kerd ke Tirkîya daristananê Kurdîstanî çin kena. La qetî cewab nêdîya ma.''
