Hemserekê KODARî Fuat Bêrîtanî ke derheqê ronayîşê KODARÎ û rolê ci yê komelî  ANFyî rê qisey kerd, derheqê muhîmîya weçînitişê 14ê gulanede wina vat:

“Beno ke weçînitiê 14ê gulane qederê kurdan bewlî bikero. Eke weçînitişî  ra netîceya rind  bêro girewtene, no do tesîrê çar parçeyanê Kurdîstanî bikero. Îqtîdaro faşîst ê Tirkîya do têkoşîn û statuyê Rojawan ser o tesîr bikero. Reyna serkewtişê Vakurî do tesîrê Rojhelatê Kurdîstanî û kurdan, ereban, azerîyan, belucîyan, lazan  û cerkezan ê ke vera faşîzmî şer kenê  û dezgeh û partyanê sîyasîyan ê Rojhelat û Îranî zî bikero.

Dewlete çareserî nêafirnena, eslê xo çimeyê problemanê komelî ya. Dewlete heme warê têkoşînî şarî rê kerdî teng, her qeyde zext û zilmî kena. Dewleta tirke zî wayîra heman zîhnîyetî de ya, Rojhelatê Kurdîstanî û Îranî de zî wayîrêa heman zîhnîyetî ya. Coka gere şarê ma wa nê hole bizano, ameyoxê xo bewlî bikero, modelê polîtîkaya xo aver bêro û rolê xo kay bikero. Wextê sîyasetkerdişî  ameyo. Gerek semedê pawitişê estbîyayîş, nasname û kulturê xo waran de têkoşîn bikero.”