Parka Newroze ya Wanî de saetanê serê sibayî de bi des hezaran kesî ameyî têhet. Rixmê şertanê hewayê xirabî bi des hezaran kesî bi slogananê “Bê serok jiyan nabe”, “Bijî Serok Apo”, “Bijî berxwedana gerila” û “Bijî berxwedana Kobanê” verê xo da warê Newroze.

Ciwanî bi pankartê “Ciwan ber bi rojê we dimeşin (Ciwanî ver bi tîje rayra şinê) kewtî warê Newroze. Warê Newroze de posterê Rayberê Şarê Kurdî Abdullah Ocalanî û flamayê Partîya Çep a Hewze û HDPyî ameyî akerdene.

Hemsereka Pêroyî ya DBPyî Salîha Aydenîza ke xîtabê şarî kerd, wina vat:  ''Newroze vera zaliman serewedaritiş o. Şarê kurdî semedê azadîya xo qîreno.  Newroze yewîya şarê kurdî ya. Înanê ke fîkrê Birêz Ocalanî resnayî şorişî ma înan silam kenê. Înanê ke ma bi ruhê Jin, Jiyan Azadî ardî têhet, ma înan silam kenê.  No îqtîdar bi dişmenîya kurdan û cinîyan xo weye keno. Her hetî ra hêrişê kurdan kenê. Herinda xebata xelisnayîşî de înan hêrişê Rojawnaî kerdêne. Ma veng kenê nê îqtîdarê talankerî; Efînr ê kurdan û do wina bimano. Vera waranê azadîye çekanê kîmyewîyan şuxulnenê. Pîya bi şerî tecrîdî xorî kenê. Seba ke Birêz Ocalan haştîye wazeno, tecîrî xorî kenê. Ma do çirey Birêz Ocalanî xo vîr ra mekerê. Serra 2023yî do biba serra azadîya fîzîkîye ya Birêz Ocalanî.''