Gerîla TVyî dîmenê kamerayanê mobese weşanayî ke Xakûrkê, Heftanîn û Metîna de hetê hêzanê gerîlayan ra ameybî tesbîtkerdene û îmhakerdene.

Çalakîyan ra 2yê ci 13ê gulane dde û 26ê hezîrane de Xakurkê de ameybî kerdene, yewa ci zî 4ê tebaxe de Heftanîn de û aya bîne zî 28ê gulane de Metîna de amebî kerdene. 

Dîmenanê çalakîya Metîna de aseno ke gerîlayî pê kincanê xo yê kamuflajî nêzdîyê mobese benê û yew mobese îmha kenê. Dîmenanê çalakîya Xakurkê de aseno ke gerîlayî xo nêzdîyê mobeseya ke girêk de ca bîya, kenê û nêzdî ra kamera îmha kenê. Heftanîn de gerîlayan pê kalaşnîkofî mobese îmha kerde.

Artêşa tirke ya îşxalkere seba ke vera gerîlayanê azadîye bi teyarayanê şerî, helîkopter û dronan nêeşkena netîce bivisna destî narey zî giranîye dana mobeseyan ser. Artêşa îşxalkere seba ke mobeseyan cabikerê leşkeran şawena warî. Nê mobeseyî seba çimdarîye şuxilîyenê. Goreyê çimeyanê gerîlayan artêşa îşxalkere seba ke mobeseyan ca bikerê taburêkê leşkeran şawena warî.

Gerîlayêka YJA-Starî verê di mobeseyanê ke Xakurkê de dest nîyabi ser de vat: ''Dişmen Xakurkê de seba ke bieşko verê çalakîyanê ma bigêro, muracatê metodanê mobese û makîneyanê fotorafan kena. Nê verê ma de asteng nîyê. Dewlete seba ke nê kamerayî cabibê taburêkê leşkeran war de ana war. Seba ke ê nêeşkenê waran de serwer bibê cîhazanê winayînan cakenê. La ma destûr nêdanê ney û kamerayan îmha kenê.''