Hakan Arslano ke wextê qedexeyê tebervejîyayîşî yê Sûrê Amedî de 2ê kanûna 2015î de şehîd bibi esteyê ci 7 serran ra dima vizêr zereyê yew tewreyî de dîyayî babîyê ci. Keyeyî  vizêr esteyî berdî dewa Çavuşî ya qezaya Qereyaziyî ya Erziromî. Cenazaya Arslanî wecîbeyanê dînîyan ra dima goristanê dewe de ameye definkerdene.

Nasnameyê cenaza qedexeyê tebervejîyayîşî ra dima ame eşkerakerdnee. Taxa Hasirliyî ya Sûrî de mabênê Dêrê Katolîkî û Mescîdê Hasirliyî de 7ê sibata 2021î de wextê kênayîşê kuçeyî de tay esteyî ameybî dîyene. Eşkera bi ke esteyî aîdê Arslanî yo ke 22ê çeleyê 2016î de şehîd bibi.

Keyeyê Arslanî bi îxtîmalo ke esteyî aîdê lajê înan o, muracatê Serdozgerîya Komare ya Amedî kerd. 2016 de babî Alî Riza Arslanî ra nimûneyê gonîye amebi girewtene. La bi fermanê serdozgerîye teşrîna verêne de dadî Melîke Arslan ra zî gonîye ameye girewtene. 18ê teşrîna peyêne ya 2021î de eşkera bi ke cezana aîdê Hakan Arslanî yo.