Gerîlayê HPGyî Alî Akdogan (Denîz Hêlîn) herêma Omeryanî ya Mêrdînî de, 12ê adare de hêrişê hewayî de pa di embazanê xo şehîd bibi. Cenazaya Akdoganî testê DNA ra dima hetê keyeyê ci ra Goristanê Kamorî ra ameye berdene bi Wanî.

Serê sibayî dima ke wezîbeyê dînî ameyî caardene cenaza Goristanê Karşiyakayî de ameye definkerdene. Polîsan dormeyê goristanî girewt û nêverda ke ferdanê keyeyî ra ber çew tewrê definkerdişî bibo. 

Badê muracatê keyeyan  testê DNA ameyî kerdene û ame eşkerakerdene ke cenazayan ra yew aîdê Denîz Hêlîn (Ali Akdogan)  yew zî ya Egîd Cûdî (İshak Çetin) a.