Gerîlaya YJA-Starî Hatîce Ay 19ê êlule de qezaya Pîranî ya Amedî de hêrişêkê hewayî de pa gerîlayanê YJA-Starî Alîye Kîye û Hacere Sucîn şehîd bibî. Cenazaya Aye nêamebî dayene keyeyê ci. Naye ser o dadîya Aye Hîdayete û birayê ci Ayetullah Ayî seba ke cenaza bigêrê dest pê çalakîya Nobeta Edaletî kerdbî û partîyanê sîyasîyan û dezgehanê sivîlan zî paştî dabî keyeyî. Keyeyî cenaza Dezgehê Tipê Edlîyî (ATK) ra girewte û berde dewa Hewre ya qezaya Pasûrî ya Amedî.

Cenaza bi konvoyî kewte dewe. Wekîlê HDPyî Remzîye Tosun û Gulîstane Kiliç Koçyîgît, endam û îdarekarê HDPyî yê Amedî, endam û îdarekarê DBPyî yê Amedî, MEBYA-DER, MED-DER zî tewrê merasîmî bîyî. Girseyî bi çepikan û sloganê 'Şehîdî nêmirenî' cenaza pêşwazî kerde.

Cenaza Goristanê Kalê Şêx Badînî de binê ablûqaya polîsan de ameye definkerdene.