Hîrê gerîlayê HPGyî yê ke 12ê adare de herêma Omeryanî yê Mêrdînî de hêrişê hewayî de şehîd bibî, cenazayê înan 29ê adare de qezaya Artuklu de Goristanê Bajarî yê Kamorî de cayê bêkesan de ameybî definkerdene.

Badê muracatê keyeyan  testê DNA ameyî kerdene û ame eşkerakerdene ke cenazayan ra yew aîdê Denîz Hêlîn (Ali Akdogan)  yew zî ya Egîd Cûdî (İshak Çekin) a.

Naye ser o keyeyê Alî Akdoganî Wanî ra ame û semedê girewtişê cenazaya xo muracatê Serdozgerîya Komare ya Mêrdînî kerd. Keyeyî cenazaya şehîd Denîz Hêlînî goristanê bêkesan ra girewte û berde Wan.