Cenazaya Endamê Meclîsê Pêroyî yê Tevgera Azadî Suheyl Xurşîd Ezîzo (Mamosta Şemal) ke netîceya hêrişêkê çekdarî de şehîd bibi, bi merasîmêkê girseyî bajarekê Kifrî yê Germîyanî de ameye definkerdene.

Mamosta Şemalo ke nuştox û tarîxnas o, vizêr wexto ke karî ra agêrayêne keyeyê xo, raştê hêrişêkê çekdarî amebi û şehîd bibi. 

Hemserekîya Tevgera Azadî vizêr bi eşkerayîyêke pare kerd ke Mamosta Şemal hetê dewleta tirke û hemkaranê ci ra ameyo qetilkerdene û hesabê ney do bêro persayene. Tevgera Azadî waşt ke kiştoxê ey cade bêrê eşkerakerdene.