Şaristanê Dihokî yê Başûrê Kurdîstanî de 17ê nîsane de, şan welatperwer Huseyîn Turelî hêrişêkê çekdarî de amebi qetilkerdene.

Cenazaya ey perey Berê Sînorî yê Xabûrî ra amebî girewtene. Wesayîtê cenaza hetê polîsan ra ame vindarnayene. Bi bahaneya ke otopsî nêameyo kerdene, cenaza erşawîyaye Şirnexî. Karanê otopsî ra dima vizêr cenaza teslîmê keyeyî ameye kerdene.

Cenaza vizêr Êlih de, Goristanê Asrî de ameye definkerdene. Polîsan dormeyê goristanî girewt û nêverda ke ferdanê keyeyî ra ber çew tewrê cenaza bibo. Coka bi seyan kesî dormeyê goristanî de mendî. Wecîbeyanê dînîyan ra dima cenaza ameye definkerdene.