Cenazayê tay leşkeranê ke îqtîdar û medyaya AKP-MHPyî şarî ra nimnenê, bi aşman o morgan de yenê tepiştene.

Tay leşker, qoricî û çeteyê ke Herêmanê Pawitişî yê Medya ameyî kiştene cenazayê înan pê helîkopteran yenê berdene Tugayê Komandoyê Koyî yê Colemêrgî, Kişlayê Fatîhî û tabûranê ke sînor de yê. Cenazayî dima ra pê ambulansan yenê berdene morganê Nêweşxaneyê Dewlete yê Colemêrgî û nêweşxaneyanê Sahra yê ke sînor de yê.

Goreyê xeberanê ke çimeyanê cayîyan ra ameyî girewtene Nêweşxaneyê Dewlete yê Colemêrgî 40, Nêweşxaneyê Sahra yê dewa Bîlîcanî ya ke mabênê Çelê-Colemêrgî de ya, 100 ra zafêr cenazayî est ê. Nê cenazayî bi aşman o helisîyîşî rê ameyî caverdayene. Seba ke meyîtê helisîyayî nêweşxaneyan de boy-pixuwar yena.

Yew qoricîyo ke waranê gerîlayan de bîyo şahîdê pêkewtişan vat ê pê çimanê xo dîyo ke yew şewe de 60 leşkerî ameyî kiştene. Qoricîyî vat badê pêkewtişî dewlete têna vato yew leşkero payeberz merdo.