4ê kanûne Koyê Mercanî yê qezaya Pulurî yê Dêrsimî de 8 gerîlayê HPG û YJA Starî şehîd bibîy. Cenazayî wedarîyabî morgê Dezgehê Tipê Edlîyî yê Meletî. Keyeyan cenazayê xo girwetê û berdî memleketanê înan de defin kerdî.

8ê kanûne de cenazayê Cihan Soylemez (Munzur Dêrsim) û Akîf Bedîr (Azad Wan) hetê keyeyanê înan ra ameyî girewtene. Soylemz Egripinarê qezaya Pulurî ya Dêrsimî de  Bedîr zî Wan de ameyî definkerdene. 9 kanûne de zî cenazayê Çagla Yeleser (Veroze Munzur), Nimete Arşimet (Şervane Artîzan), Nevzat Demîr (Baz Colemêrg) û Gulere Karaer (Nûda Karker) hetê keyeyanê înan ra ameyî girewtene. Yeleser Pulurê Dêrsimî de, Arşimet Farqînê Amedî de, Demîr Colemêrg de û Karaer zî Qelqeliya Wanî de ameyî definkerdene. Cenzayê Mîhrîbane Ata (Jînda Gabar) û Hasrete Ulger (Rojîne Xweza) zî 10ê kanûnê de hetê keyeyanê înan ra ameyî girewtene. Ata Dêrikê Mêrdînî de û Ulgere zî dewa Şexlerî ya Semsûrî de ameyî definkerdene. Rixmê asntengkerdişê hêzanê dewlete xeylêk kesî tewrê merasîmanê cenazayan bîyî. Cenazayî binê ablûqaya polîsan de ameyî definkerdene. Semsûr de destûr nêdîya ke wecîbeyê dînî yê cenaza bêrê caardene.